Keçmiş başçının büdcədən yedikləri... "HƏDƏR GETMƏYİB"...

Keçmiş başçının büdcədən yedikləri... "HƏDƏR GETMƏYİB"...
Cəmiyyət
Oxunma sayı: 1 423
"Mingəçevir və Zərdab Rayon İcra hakimiyyətlərinin keçmiş başçısı (2005-2019) Lütvəli Babayevin oğlu Babəli Babazadə atasının vəzifəsindən azad edilməsindən sonra biznesinin əsas hissəsini Rusiya paytaxtına köçürüb". DİA.AZ xəbər verir ki, bu barədə tanınmış araşdırmaçı-jurnalist Cavanşir Həsənli məlumat paylaşıb.

Daha sonra C.Həsənli yazır: "Babəli Babazadə ötən il Moskvada "Liqa-Stroy" Məhdud Məsuliyyətli Cəmiyyətini (ООО ЛИГА-СТРОЙ) 100 min rubl nizamnamə kapitalı ilə təsis edib. "Liqa-Stroy" Rusiya paytaxtında binaların inşası üçün lisenziya alıb. Şirkətin qanuni təmsilçisi Rusiya vətəndaşı Kirill Ayvenqoviç adlı şəxsdir.
Lütvəli Babayevin oğlu atası Zərdab rayon icra hakimiyyətinin başçısı vəzifəsində olarkən Azərbaycanda "BLB" MƏHDUD MƏSULİYYƏTLİ CƏMİYYƏTİNİ (açması Babəli Lütvəli Babazadə) təsis edib. Keçmiş icra başçısının ailəsinə məxsus daha bir şirkət - "TOP POİNT" MƏHDUD MƏSULİYYƏTLİ CƏMİYYƏTİ 2014-cü ilin dekabrında Lütvəli Babayevin ailə üzvlərindən RUBABƏ BABAYEVA NİZAMİ QIZININ adına təsis edilib. Hər iki MMC akademik Mirəli Qaşqay küçəsi ev 63A, mənzil 26 ünvanında hüquqi qeydiyyatdadır. Babəli Babazadənin Binəqədi rayonunun 7-ci mikrorayon Abay Kunanbayev küçəsində, 3123-cü məhəllədə 12 mərtəbəli bina tikdirdiyi haqda daha əvvəl məlumat paylaşmışdım".