Azərbaycanın bir cüdoçusu Qran-pridə finala yüksəldi, ikisi bürünc medal qazana bilər

Azərbaycanın bir cüdoçusu Qran-pridə finala yüksəldi, ikisi bürünc medal qazana bilər
İdman
Oxunma sayı: 7 038
Azərbaycan cüdoçusu Kamran Süleymanov Avstriyanın Linz şəhərində keçirilən Qran-pridə finala yüksəlib.
66 kq çəki dərəcəsində yarışan idmançı qızıl medal uğrunda ispaniyalı David Qarsiya Torne ilə üz-üzə gələcək.
60 kq-da çıxış edən Nazir Talıbov bürünc medal görüşünə çıxacaq. O, Artyom Lesyukdan (Ukrayna) güclü olmağa çalışacaq. Qadınların yarışında 52 kq-dakı Gültac Məmmədəliyeva ispan Ariane Toro Solerlə görüşdə “bürünc” əldə etməyə çalışacaq.
Bu gün mübarizəyə qoşulan Əhməd Yusifov (60), Leyla Əliyeva, Şəfəq Həmidova (hər ikisi 48 kq) və Finan Əlizadə (57 kq) mübarizəni erkən dayandırıblar.
Qeyd edək ki, Qran-pri mayın 27-də başa çatacaq.