Gəncədə PARTLAYIŞ - Xəsarət alanlar var

Gəncədə PARTLAYIŞ - Xəsarət alanlar var
Kriminal
Oxunma sayı: 122
Gəncə şəhərinin Kəpəz rayonunda dördmərtəbəli yaşayış binasının 4-cü mərtəbəsində ümumi sahəsi 40 kv.m olan birotaqlı mənzildə yanğınla nəticələnən partlayış baş verib.
Fövqəladə Hallar Nazirliyindən verilən məlumata görə, ilkin ehtimala görə partlayış qaz sızması səbəbindən olub.
Yanğın nəticəsində mənzilin yanar konstruksiyaları və ümumi sahəsi 70 kv.m olan ikiotaqlı qonşu mənzilin yanar konstruksiyaları 60 kv.m sahədə yanıb. Partlayışın zərbəsindən hər iki mənzilin divarları (arakəsmə divarlar) dağılıb, qapı və pəncərə çərçivəsi yerindən çıxıb. Digər mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.
Hadisə nəticəsində 3 nəfər xəsarət alıb, 15 nəfər bina sakini yanğınsöndürənlər tərəfindən təhlükəsiz əraziyə təxliyə olunub.
Hadisə ilə əlaqədar müvafiq qurumlar tərəfindən təhqiqat aparılır.