Xalid-Emin-Cavid Süleymanov qardaşlarının “əməl dəftəri”ndə nələr var ?- Qardaşların “Mezzo Baku” restoranında nələr baş verir ?
Manşet
Oxunma sayı: 296
Mobil telefon biznesi hara, Əssəlam kolbasa hara ?
Azərbaycan iqtisadiyyatında çox ziddiyətli məqamlar var. Birincisi, heç bir tanınmış biznesmen öz iqtisadi qabiliyyəti, biznes bacarığı ilə uğura imza atmır. Biznesdə ad-san qazanmış şəxslərin hərəsinə bir sahəni tapşırıblar. Kiməsə mebel biznesini həvalə ediblər, bir başqasına un biznesini, bir başqasına da Rusiyadan, yaxud Ukraynadan dana gətirmək biznesini. Yəni monopolist iqtisadiyyata iqtisadi savaddan, biznesmen bacarığından danışmaq mənasız söhbətdir. Sözün qısası, uğur qazanmaq üçün sənə konkret xətt və təminat verilməlidir. Hətta inhisarçılığı kənara qoysaq belə, kiməsə gömrük rüsumlarından və vergidən yayınmağa şərait yaradılırsa, başqası onunla necə rəqabət apara bilər ? İkinci, gülməli, həm də dünyada analoqu olmayan hal odur ki, bir adam həm müasir kompüter, mobil telefon biznesi ilə, həm də dana, kolbasa biznesi ilə məşğul olur. Bu iki fərqli sahəni necə uzlaşdırmaq olar, axı ? Bu mövzuda söhbət düşəndə adamın gözünün önünə ilk olaraq Xalid-Emin-Cavid Süleymanov qardaşları gəlir. Məlumat üçün qeyd edək ki, qardaşların böyüyü Xalid Süleymanov 2 il öncə Bakıda çox təmtəraqla öz şirkətinin açılışını elan etdi. Söhbət Çinin nəhəng kommunikasiya şirkətinin məhsullarının Azərbaycanda satışından gedir. Məlumdur ki, mobil telefonlar artıq gündəlik həyatımızın bir hissəsinə çevrilib. Varlı-kasıb olmasından asılı olmayaraq hamının üstündə 1-2 telefon var. Digər tərəfdən pandemiya ilə bağlı hətta bağçalar, məktəblər də online sistemə keçdiyi üçün həyatımızı mobil telefonsuz, planşetsiz təsəvvür etmək olmur. Və Xalid Süleymanovun “Mi Concept Store” şirkəti Azərbaycanda “Xiaomi”nin bütün məhsullarının satışını təşkil etməyi açılışda elan etdi. Hətta açılışda özəl endirimli qiymətlər də təklif olundu. Guya 6 ay faizsiz məhsul satışı olacaq-filan. Və bu satışı “Xiaomi” və “Suleymani” Group-u həyata keçirəcək. Üstəlik də şirkətin gətirdiyi telefonları, planşetləri ixtisaslaşmış və peşəkar ustaları özündə birləşdirən mükəmməl servis – “W service” həyata keçirəcək. Xalid Süleymanov açılşda çıxış edib bildirdi ki, biz məhsullarımızı aşağı qiymətlə nağd və cüzi faizlə kreditlə satacağıq. Amma heç bir ay keçməmiş bəlli oldu ki, şirkət müştəriləri hər addımda aldadır. Belə ki, şirkət dəfələrlə guya qiymətlərin ucuz olması ilə bağlı kampaniya elan edir. Amma alıcılar şirkətin mağazalarına daxil olanda bəlli olur ki, telefonun üstündə yazılan qiymətlər “qüvvədən” düşüb. Yəni məhsulun üstündəki qiymətlə, kassada hesablanan qiymətin arasında xeyli fərq var, yəni fırıldaqla məşğuldurlar. Telefonun üstündə 339 manat yazılsa da 389 manata satırlar. Bu şirkətin məhsullarının təmiri məsələsində də xeyli süründürməçilik və fırıldaq halları var. Bunları yazaq Süleymanov qardaşlarının “əməl dəftəri”nə. “Əməl dəftəri” demişkən, görək bu qardaşların “əməl dəftəri”ndə daha nələr var. Məlumdur ki, müqəddəs dinimizdə Əssəlam Allahın adlarından biridir. Süleymanov qardaşları isə Əssəlam adında kolbasa istehsal edib satırlar. Birincisi, adama deyərlər mobil telefon, smartfon hara, kolbasa hara ? İkincisi, Allahın adı ilə kolbasa buraxmaq siz qardaşların “əməl dəftəri”ndə qiyamətə qədər qalacaq. Yeri gəlmişkən, oxşar mövzuda ötən yazılarımızın birində Şeyx Nizaminin adı ilə spirtli içki istehsal edənlərdən bəhs etmişdik. Bunlar başa düşmür ki, Şeyx adı hara, spirtli içki hara ? Hətta kolbasanın adını bir kənara qoysaq, məhsulun mənşəyi bəlli deyil, nə ətindən hazırlandığı bilinmir. Bəli, qardaşların İmişlidəki kolbasa sexlərinin məhsullarından zəhərlənənlər də var. Qardaşların ölkənin paytaxtındakı “Mezzo Baku” restoranı da başqa oyunlardan çıxır. Restoranın kabinetlərində baş verənlərdən, qəribə səslərdən ətrafda yaşayan sakinlər çox narazıdır. Sakinlər deyir ki, restoranda baş verənlər elə bil “Dəli Kür” filmindəki Molla Sadığın mahnılarına oxşayır. İndi gördünüzmü, Süleymanov qardaşları nə boyda şəbəkəyə malikdir: mobil telefon şirkətləri, restoranlar, kolbasa sexləri və… Görəsən bu boyda geniş şirkətlərə sahib olan qardaşlar vergidən nə qədər yayınır ? Bu barədə qardaşların Dövlət Vergi Xidmətində işləyən dostu daha dəqiq bilir. /Gundelik-baku.com/