Argentina millisinin keçmiş baş məşqçisi Marselo Bielsa Uruqvay millisini çalışdıracaq. Xarici mətbuatın yazdığına görə, mütəxəssis 2026-cı il dünya çempionatının seçmə mərhələsinin sonuna qədər yerli federasiya ilə müqavilə bağlamağı planlaşdırır. Seçim uğurlu olarsa, müqavilə avtomatik olaraq uzadılacaq. Xatırladaq ki, 2022-ci ildə Qətərdə keçirilən dünya çempionatında Uruqvay turnirin qrup mərhələsindən pley-offa vəsiqə qazana bilməyib. Argentinadan başqa, Bielsa Çili, “Atletik”, “Lids” və digər komandalara da rəhbərlik edib.