Ermənistan ordusunun təxribatına CAVAB: Məhv edilmiş hərbçilərinin adları açıqlandı - YENİLƏNİB
Dünya
Oxunma sayı: 6 835
Bu barədə Ermənistanın Masis icmasının rəhbəri David Ambartsumyan bildirib.
Onun sözlərinə görə, həmin hərbçilər Masis icmasının sakinləri Andranik Antonyan və Arsen Mkrtçyan olublar.
***11:21
Ermənistan silahlı qüvvələrinin Basarkeçər rayonunun Zod istiqamətindəki bölmələri tərəfindən törədilən təxribat cavabsız qalmayıb.
Belə ki, düşmənin zərbə PUA-sı ilə hücumuna cavab ağır olub. Nəticədə 2 erməni hərbçi ölüb, biri yaralanıb.
Məlumatı Ermənistan Müdafiə Nazirliyinin mətbuat xidməti təsdiqləyib.
Buna qədər Azərbaycanda Müdafiə Nazirliyindən bildirilmişdi ki, sentyabrın 1-i səhər saatlarında Ermənistan silahlı qüvvələrinin Basarkeçər rayonunun Zod istiqamətindəki bölmələri tərəfindən Azərbaycan Ordusunun Kəlbəcər rayonu ərazisində yerləşən mövqelərinə qarşı zərbə PUA-sı tətbiq edilib.
Nəticədə daha iki hərbi qulluqçumuz yaralanıb.
