Masallıda 12 yaşlı qız zorlanıb? - DİN-dən AÇIQLAMA (YENİLƏNİB-1)
Kriminal
Oxunma sayı: 6 634
Təyin olunmuş məhkəmə-tibb, məhkəmə-psixoloji ekspertizaların rəyi, aparılan araşdırmanın nəticəsində fakt təsdiqini tapmayıb və cinayət əməlinin törədilməsini təsdiq edən xüsusatlar müəyyən edilməyib. Bundan başqa qonşuluqda yaşayan tərəflər arasında gələcəkdə baş verə biləcək hər hansı bir qanunazidd hərəkətlərin qarşısının alınması məqsədilə həmin şəxslər münaqişəli ailə kimi qeydiyyata götürülüb.
***
16:42
Sosial şəbəkələrdə Masalı rayonunun Ərəb kəndində 12 yaşlı qızın 60 yaşlı qonşusu tərəfindən zorlandığı iddia olunurdu.
Masallı rayon icra hakimiyyətinin ərazi üzrə icra nümayəndəsi Məhəmməd Yusifov açıqlamasında bildirib ki, sözügedən iş Masallı rayon polis şöbəsində araşdırılıb:
“Məsələ polis tərəfindən araşdırıldı və fakt təsdiqini tapmayıb. Həmin iş artıq bağlanıb. 12 yaşlı qızı zorladığı iddia edilən 60 yaşlı kişi isə kənddə dindar insan kimi tanınır, özü də kərbəlayidir. Onun belə bir addım atması heç inandırıcı görünmürdü. Sadəcə olaraq onların qonşuluqda problemləri olub. Buna görə də görünür ki, belə bir məsələni ortaya atıblar”.
***
16:05
Masalı rayonunun Ərəb kəndində 12 yaşlı qız 60 yaşlı qonşusu tərəfindən zorlanıb.
Bu barədə aparıcı Elgiz Əkbər sosial şəbəkə hesabında məlumat paylaşıb.
Bildirilir ki, 60 yaşlı kişi azyaşlının anasının evdə olmamağından istifadə edərək ona iki dəfə təcavüz edib.
